54: Julius Civilis
Voordat ik begin
Introductie
Na de dood van keizer Nero heerste er chaos. In één jaar tijd grepen vier verschillende legeraanvoerders de macht met behulp van hun leger. Hierdoor waren er in de uiteinden van het rijk minder legioenen beschikbaar om de vrede te bewaken. Dit was voor Julius Civilis, leider van de Bataven, een slim moment om in opstand te komen. De aanvoerder Cerealis sloeg de opstand neer en kwam vervolgens met Civilis op een brug bijeen om het over de vredesvoorwaarden te hebben.
Exercitibus utraque in ripa sedentibus
dux uterque in pontem fractum processit ad
sermonem habendum.
Cerealis: Nobis hodie pax facienda est. Bello longo
plurimos Romanos et Batavos cecidisse constat.
Vos Batavos sibi conciliando Imperator noster
Vespasianus pacem Romanam in omni suo
imperio adipisci vult. Unum ego ipse cognoscere
cupio: Quare seditionem contra Romam fecistis,
Civilis? Vos optimi Romae socii eratis. Ducibus
Batavorum licebat propriis cohortibus praeesse.
Res gestae Batavorum Imperatoribus adeo
placebant, ut vobis ne tributum quidem
solvendum esset.
Civilis: Post mortem Neronis Vitellius maiorem
partem legionum, quae flumen Rhenum
custodiebant, in Italiam duxit ad imperio
potiendum. Centuriones eius novas copias
conscribebant, inter Batavos quoque. Tantum
pueros senesque reperiebant. Illos tamen
poscendo iram nostram excitaverunt. Multam
pecuniam collegimus eorum redimendorum
causa.
Cerealis: Haec intellego. Praeterea bellum vestrum
contra milites Vitellii Vespasiano valde profuit.
Post victoriam autem bellum non desiistis,
immo Castra Vetera obsedistis. Eorum castrorum
militibus interficiendis, cum iam cuncti se
dedidissent, scelus commisistis. Quare?
Civilis: Ego istud facinus non imperavi. Nonnulli
Germanorum id sua sponte fecerunt.
Cerealis: Tibi credo. Audi, quae condiciones
pacis sint. Primum: iterum socii eritis, a quibus
tributum non poscetur. Deinde: sub ducibus
Romanis militia vobis facienda erit alienis in
terris. Postremo: te, Civilis, Romam adducam.
Imperator Vespasianus tibi parcat ac in exilium
te mittat.
Civilis: Intellego has condiciones nobis accipiendas
esse. Vitam dare pro Batavorum salute paratus
sum.