10: Tekst
Voordat ik begin
Introductie
Gaius en zijn vrienden hebben plaatsgenomen in het amfitheater. De Spelen beginnen: eerst komen de gladiatoren de arena in, daarna de dieren. Wanneer de gladiatoren tegen de dieren beginnen te vechten, duurt het niet lang voordat er bloed vloeit!
Quattuor amici, Gaius et Marcus et Quintus et
Publius, amphitheatrum intraverunt. Mox inter
spectatores pueri sedebant. Ubique homines
caveam intrabant: pueri et viri, feminae et puellae.
Sol ardebat. Ideo super caveam velaria pendebant
et spectatoribus umbram praebebant. Servi vinum
et aquam vendebant. Pueri aquam bibebant et
initium spectaculi exspectabant. Tandem tubas
audiverunt.
Primum gladiatorum agmen arenam intravit.
‘Ecce, Cornacem video!’ Gaius clamavit, ‘Ubi
Celadum videtis, Quinte et Publi?’ Quintus
Celadum digito demonstravit: ‘Ibi est Celadus:
non longe a Cornace procedit. Gladium et scutum
gerit. Nonne vides?’ Mox gladiatores ante tribunal
Caesaris stabant. Caesarem salutaverunt: ‘Ave
Caesar, morituri te salutant!’ Interea spectatores
plaudebant et exsultabant.
Post agmen gladiatorum animalia arenam
intraverunt: leones, pantherae, cervi. Leones
et pantherae cervos petebant. Cervi fugere
temptabant, sed frustra. Strepitus horribilis
arenam complebat. Terra rubebat sanguine
cervorum. Subito bestiarii arenam intraverunt.
Ubique in arena bestiarii pantheras et leones
petebant. Animalia necare temptabant. Leones
et pantherae autem resistebant. ‘Spectate,’ Gaius
amicis demonstravit, ‘Ibi panthera bestiarium
pede vulneravit. Ecce, sanguis de capite viri per
corpus fluit! Cito, Marce, claude oculos!’ Marcus
tacebat: iam diu enim clausos oculos tenebat.